ڈالر سستا ہو گیا،چار ماہ کی کم ترین سطح پر آ گیا

انٹر بینک مارکیٹ میں گزشتہ کاروباری ہفتے کے دوران ڈالر کی قیمت میں مجموعی طور پر47 پیسے کی کمی ہوئی اورآج جب کاروبارکا آغاز ہوا تو ڈالرکی قیمت میں مزید 8 پیسے کی کمی ہوئی جس کے بعد ڈالرچارماہ کی کم ترین سطح پرآ گیاہے۔

نجی ٹی وی کے مطابق انٹربینک مارکیٹ میں کاروبار کا آغاز ہوا تو ڈالرکی قیمت 8 پیسے کمی کے باعث 155 روپے 98 پیسے پرآ گئی جبکہ گزشتہ جمعہ کی شام کاروبارکے اختتام پرڈالر156 روپے 6 پیسے پربند ہوا تھا۔

دوسری جانب اسٹا ک مارکیٹ میں کاروبارکے آغازپرہی مندی آ گئی ہے،100انڈیکس میں کاروبارکاآغاز ہوا تو انڈیکس 34 ہزار475 پرتھا تاہم اس میں51 پوائنٹس کی کمی ہوئی جس کے بعد انڈیکس 34 ہزار 423 پوائنٹس پرآ گیاہے۔