مصطفیٰ کمال نے خالد مقبول صدیقی کی کلاس لے لی
November 16, 2020 · شہر گزشت
مصطفیٰ کمال نے خالد مقبول صدیقی پرسنگین الزامات لگا دیے۔ انہوں نے کہا کہ ایم کیو ایم اور را کے تعلقات کا ساڑھے 4 سال پہلے بتا دیا تھا، نظریہ ضرورت کے تحت متحدہ پاکستان بنائی گئی، پارٹی کا نام، نشان اور جھنڈا بانی متحدہ کا دیا ہوا ہے۔
ان کا کہنا تھا کہ 22 اگست 2016 کوایم کیوایم ختم ہوگئی تھی، حکومت خود بانی ایم کیوایم کو بھولنے نہیں دے رہی۔ ڈی جی آئی ایس پی آر اور وزیرخارجہ نے گزشتہ دنوں اہم پریس بریفنگ کی جس میں بھارتی امداد سے خریدے گئے ہتھیاروں کا تذکرہ ہوا۔
پاک سرزمین پارٹی کے سربراہ مصطفیٰ کمال نے کراچی میں پریس کانفرنس کرتے ہوئے کہا کہ خالد مقبول صدیقی متحدہ بانی کی ہدایت پر 2000 میں بھارت گئے، خالد مقبول نے ’را‘ کیساتھ بیٹھ کر پاکستان کیخلاف بات کی، خالد مقبول صدیقی نے بھارت میں بیٹھ کر پاکستانی پاسپورٹ پھاڑ دیا تھا، را نے خالد مقبول کو ڈپلومیٹک پاسپورٹ جاری کیا جس پر وہ امریکا گئے، امریکی حکام نے خالد مقبول کو گرفتار کیا اور وہ ضمانت پر باہر آئے، خالد مقبول صدیقی 13 سال بعد پاکستان واپس آئے۔
مصطفیٰ کمال کا کہنا تھا کہ خالد مقبول صدیقی امریکا سے آنے کے بعد متحدہ کے سربراہ بن جاتے ہیں، آج ایم کیو ایم کا نام سن کر خالد مقبول اورعامر خان کی یاد نہیں آتی، ایم کیو ایم کا نام سن کر لوگوں کو بانی متحدہ یاد آتا ہے، حکومت خود بانی ایم کیو ایم کو بھولنے نہیں دے رہی۔