کیرالہ میں چمگادڑ کےوائرس سے 10 افراد ہلاک

May 22, 2018 · اہم خبریں, بام دنیا, چشم حیرت
بھارتی ریاست کیرالہ میں چمگاڑکے وائرس سے مرنے والوں کی تعداد 10 ہوگئی ہے جبکہ اس مہلک وائرس کا شکار تقریباً 90 افراد مختلف اسپتالوں میں زیرعلاج ہیں ۔ اس وائرس سے 10 افراد کی ہلاکت کے بعد ریاست کیرالہ میں ایمرجنسی نافذ کردی گئی ہے اوراس مہلک وائرس سے بچاؤ کیلئے ہنگامی بینادیوں پراقدامات کئے جارہے ہیں۔ بھارتی میڈیا کے مطابق مرنے والوں میں ایک ہی خاندان کے 3 افراد بھی شامل ہیں جن کے گھر کے کنویں میں کئی مردہ چمگاڈر پائی گئی تھیں جن سے یہ جان لیوا وائرس پھیلا ۔ کیرالہ کی لیبارٹیری میں ان چمگادڑوں کے 18 نمونے بھیجے گئے جن میں سے 12 پازیٹیو پائے گئے۔  لیبارٹری ٹیسٹ کے بعد اسے نپاہ وائرس کا نام دیا گیا ہے ۔ ورلڈ ہیلتھ آرگنائزیشن کے مطابق اس وائرس سے 1998 سے ابتک ملائشیا ، بنگلہ دیش اور نھارت میں 260 سے زائد افرادہلاک ہوچکے ہیں. اس وائرس سے بچنے کیلئے تاحال کوئی ویکسین دستیاب نہیں ۔ اس وائرس کا شکار افراد میں فلو کےمرض جیسی علامات سامنے آتی ہیں جس کے بعد انسان کومے میں چلا جاتا ہے اور پھراسکی موت واقع ہوجاتی ہے۔ کیرالہ کے بعد ہمسائی ریاست گوا اورتامل ناڈو میں بھی انتظامیہ سے اس جان لیوا وائرس سے بچنے کیلئے حفاظتی اقدامات شروع کردیئے ہیں۔
Facebook Twitter LinkedIn WhatsApp