اسٹاک ایکسچینج میں مندی،سرمایہ کاروں کے اربوں روپے ڈوب گئے

پاکستان اسٹاک ایکسچینج میں گزشتہ کاروباری ہفتے کے دوران مندی کے باعث سرمایہ کاروں کو تقریباً 132ارب روپے کا خسارہ ہوا ہے۔

تفصیلات کے مطابق پاکستان اسٹاک ایکسچینج میں گزشتہ ہفتے مندی کا رجحان رہا، کاروباری ہفتے کے دوران 100 انڈیکس میں مجموعی طور پر605 پوائنٹس کمی دیکھنے کو ملی ہے،انڈیکس 1اعشاریہ 8 فیصدگرگیا ہے جس کے باعث سرمایہ کاروں کے 132 ارب روپے کا خسارہ ہوا ہے۔

100 انڈیکس 33 ہزار 870 پوائنٹس کی سطح پربند ہوا۔ گزشتہ کاروباری ہفتے بیرونی سرمایہ کاروں نے 21 لاکھ ڈالرمالیت کے حصص فروخت کیے۔