کراچی کے مختلف علاقوں میں آج 12 گھنٹے پانی کی فراہمی متاثر

کراچی: دھابیجی سب اسٹیشن اور گرڈ اسٹیشن پر سالانہ مرمتی کام کے باعث شہر کے متعدد علاقوں میں آج 12 گھنٹے تک پانی کی فراہمی متاثر رہے گی۔

ترجمان واٹر کارپوریشن کے مطابق مرمت کے دوران 100 ملین گیلن پانی کی سپلائی کم ہو جائے گی۔ جن علاقوں میں فراہمی جزوی طور پر متاثر ہوگی اُن میں لانڈھی، کورنگی، شاہ فیصل ٹاؤن، ڈی ایچ اے، چنیسر ٹاؤن، جناح ٹاؤن، نارتھ ناظم آباد اور گلبرگ ٹاؤن شامل ہیں۔

کے الیکٹرک کے مطابق مرمتی کام صبح 8 بجے سے رات 8 بجے تک جاری رہے گا۔